Pynbna ka sorkar sa kawi ka Police Station wa thymme deilang ki thaw sikai leh Urban wa Jungle Warfare

Ka sorkar Meghalaya da pynbna ko lyngba ka Home (Police) Department wa da pynmih thymme ya ka Police Station ha Byrnihat, Ri-Bhoi District ka wow tip kam ka Byrnihat Police Station.

U pood kani ka Byrnihat Police Station toh ka Jorabat Outpost (Assam) na neiñ, ka Umsning Outpost/Sonapur Police Station (Assam) na mihsngi, ka Nongpoh Police Station na tre wa ka Khanapara Police Station na sepsngi.

Da pynbna leh yow sdang ya ka Urban Warfare Training Facility (UWTF) ha SF-10, Mawiong, Meghalaya ka wow e sikai Close-Quarters Battle, i lai psiah cha ki yung wa boon mala yow tem ya ki damok, u pynlait im ya kiwa chah rahbor wa kiwi de kiwa emkaam wow tip ha ki thaw wa man sor. Wei deiwa em kani ka UWTF daw pynman ya ki pulit kiwa da pynkhreh ha kiwa boon ki kaam.

Sa kawi ka pynbna toh yow sdang ya ka Counter Insurgency & Jungle Warfare (CIJW) School ha Baghmara, South Garo Hills District ka wow man kam ka thaw e sikai yow yaleh pyrchah ya ki seiñ kieñ suloi kamjooh i yaleh wow thooh ki chapoh ki khloo ki kjam.

Related posts

Maham pynman yakhih ki ar chnong lada ym pyndam ka JHADC yei tipmit wei e Sanad ya ka chnong Umpyrshin

February 23, 2026

Khut sñiawbha ka Jowai Cooperative Urban Bank ya waroh ki Shareholder Member cha ka lehkmen dap 50 snem

February 23, 2026