15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka sorkar sa ki 7 tylli ki jylla wa emkaam kiwa wan cha ka jylla wow em yaka COVID Negative Report

Advertisement ad1

Ka sorkar jylla haka 18 Wisu 2021 da pynmih kyndon ko wa ya kitu kiwa wan na Maharashtra, Kerala, Punjab wa Karnataka wa emkaam ki wow rah yaka COVID Negative Report kawa leh daka RT-PCR/TruNat/CBNAAT kawa hap ki wow pynyoo haka Entry Point.

Ynne da pynkylla ya ini deiwa booh sa ya kiwa wan na Tamil Nadu, Punjab, Delhi, Haryana, Madhya Pradesh, Chhattisgarh wa na Gujarat wa kini waroh (wa kynthup ya ki jylla wa da dep pynbna chwa) wa ym pdiang yaka RAT Negative Report lada wan ki na kini ki jylla.

Ki COVID Negative Report u pdiang du ya kiwa da leh daka RT-PCR/TruNat/CBNAAT deiwa booh kyndon wa yaki Test toh kiwa leh hapoh 72 kynta chwa wow poi ha ka Entry Point.

Ya kitu kiwa ym em yaka COVID Negative Report, daw chim yaka nongmuna ki yow leh yaka RT-PCR Test ha ka Entry Point deiwa hap ki wow su.

Kini ki bru hap ki wow lai sak cha i thaw sah ki yow leh Quarantine hadooh wa yoh yaka Test Result.

Share this:
Previous

Wiar uwi uwa na Khliehtyrshi ha Assam

Next

15 ngut kiwa dang yoh wa 1 wa chait na u COVID-19 ha Meghalaya