August 31, 2020

Pynbna ka sorkar ya 7 sngi kam i yaam bru neibynta u President warim ka India

by Wyrta Staff

Advertisement ad1

Ka sorkar India ynne da pynbna ko yei sñiawsih joor yei khlaad noh u Pranab Mukherjee, u President warim ka ri ha Army Research & Referral Hospital, New Delhi uwa da khlaad ynne ka 31 tarik.

Kam ka dak wow burom ya uni u bru wa khroo ka ri, da pynbna yaka Seven Days State Mourning namo ki 7 sngi kiwa man kam ki sngi yaam bru ha waroh kawi ka ri India nadooh ka 31-08-2020 hadooh ka 06-09-2020 wa kynthup lang ya kini ki ar sngi.

Ha kini ki sngi, yaka lama ka ri u pynhær chiteiñ (Halfmaston) ha waroh ki yung wa pynhær yaka lama wei ym chah wow panman ya kiwon kiwon ki kaam lehkmen.

Ya ka tarik wa i por wow pyndep yaka niam ka rukom daw pynbna hadien.