Pynbna ka sorkar ya ka Police Station wa thymme deilang ki Police Outpost

Kam chibynta wow pynjan wei pynjanai yei e chakri paidbah, neiliang ka sorkar Meghalaya da pynbna ko yei sdang ya ka Police Station wa thymme wa ki Police Outpost.

Ka Police Station wa thymme toh kawa em ha Dakopgre, West Garo Hills District wei u tip ya ka kam ka Dakopgre Police Station.

Deiwa em ka Dakopgre Police Station, ki thaw wa em hapoh yong ka ym em de ki hapoh ka Tura Police Station.

U pood ka Dakopgre Police Station toh ka Damalgre PS, South West Garo Hills District na neiñ, ka Babadam OP na mihsngi, ka Tura PS na tre wa ka Araimile PS na sepsngi.

Ka sorkar da pynbna ko leh ya ki Police Outpost wa thymme ha Maweit, West Khasi Hills District ka wow tip kam ka Maweit Police Outpost, ha Ashugre ka South Garo Hills District kaw wow tip kam ka Ashugre Police Outpost ha Jadi ka South Garo Hills District ka wow tip kam ka Jadi Police Outpost wa ha Monabari, South West Garo Hills District ka wow tip kam ka Monabari Police Outpost.

Related posts

Yoh ka thaaiñ Amlarem ya ka Pollution Testing Centre wa thymme

November 17, 2025

Yap 42 ngut ki nong India wa lai Pilgrim cha Mecca nei iñ ka Bus

November 17, 2025

U pood ka Maweit Police Outpost toh ka Nongstoin PS wa Mawshynrut PS na khlieh, ka Mawkyrwat PS, South West Khasi Hills District na mihsngi, ka Nonghyllam PS, South West Khasi Hills District na tre wa ka Shallang PS na sepsngi.

U pood ka Ashugre Police Outpost toh ka chnong Digranggre wa em ha Sangknigre PS na khlieh, ka chnong Deku wa em hapoh Chokpot PS na mihsngi, ka chnong Rimrangpara wa em hapoh ka Dalu PS, West Garo Hills District na tre wa ka chnong Sandong wa em hapoh ka Sangknigre PS na sepsngi.

U pood ka Jadi Police Outpost toh ka chnong Rongdong wa em hapoh ka Siju PS na khlieh, ka chnong Darang Boldak wa em hapoh ka Nongalbibra PS na mihsngi, ka chnong Pattalgittim wa em hapoh ka Nongalbibra PS na tre wa ka wah Simsang neitæ ka chnong Rangram Pattal wa em hapoh ka Shallang PS, West Khasi Hills District na sepsngi.   

U pood ka Monabari Police Outpost toh ka Kalapani Outpost wa em hapoh ka Mankachar PS (Assam) na khlieh, ka Garodoba Operational Group Centre wa Betasing Outpost hapoh ka Ampati PS neiliang mihsngi, ka Ampati PS/Mankachar PS (Assam) na tre wa ka Mankachar PS (Assam) na sepsngi.