15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynbna ka sorkar yaki kyndon leh Puja ha Meghalaya

Advertisement ad1

Ka sorkar Meghalaya da pynmih hukum ko heiyatoh wow pynman yaka lehniam Puja deiwa booh yaki kyndon nadooh wow booh yaki Pandal hadooh i pynngam um yaki dur Blai.

Neidaw wa pynkrehkaam yaka Night Curfew man-ka-miet hap wow pyndep ya waroh ki lehniam ki lehkmen Puja chwa ka 9 waje i miet, ym chah wow pynman ya kiwon kiwon ki yalehke Sport wa ki yalang tynre namo ki Cultural Programmes ha ki sngi Puja.

Advertisement ad1

Ym chah wow pynriam næ wow pynphooh pynphieñ palat yaki Panda wei toh wow pynduna yei pyndait yaki khrik khrak.

Hap wow pyntip chwa cha ki DC ya ki pyrtuid kiwa tem bom kiwa wanrah na baar jylla kamjooh ki thaw wow chong kset ki chwa wow yoh bor wei hap leh wow Test chwa ya kini ki bru.

Hawa em ka laad toh u leh yaka Live Streaming ya ki duwai Blai wa kiwi ki lehniam yow yoh kiwa da heh rta wow pait lang kamjooh ki khynnah wa kiwi ki bru kiwa ym ye wow wan sakhi ya ini.

Ya ki Puja Pandal ye wow pynyieñ katkam wa emkaam ka Puja Committee tangwa ym chah wow pynyieñ ha ki sarok PWD. Toh u man ki leh kiwa pynngaad kiwa yoh ka la-ær u psiah u mih. Hap leh wow booh yaki CCTV ha ki soodong sookun yong ki Pandal.

Hawa wan ki bru toh u chah u wan ki kajiak chisien iwa toh u man chi bhah naka le bhah wa ye u em hapoh ka Pandal, wei toh leh u booh yaki Voulunteer yow pyntikna wa bood yaki kyndon yada kamjooh yow chim yei pyrtuid, ki phone number yong kiwa wan.

Ym chah yaki bru paidbah wow tba yaki dur Blai wei kini leh ym toh u chna kiwa jrong palat 5 phut. Ym chah leh wow saam baam Prasad, ye wow saam du da kiwa da dep song.

Ha walai pynngam um yaki dur Blai, ym chah wow lai Procession ki paidbah haka luti wa lai pynngam yaki dur Blai. U chah du 15 ngut deilang wa ki artylli ki kari khian wa kawi ka kari heh wow synraan ya ki dur Blai cha ki thaw pynngam Blai.

Ya waroh ki kyndon ye phi wow yoh heini.

Share this:
Previous

Yoh ki 8 tylli ki Beach ka ri ya i naam International Blue Flag Certification

Next

Prohibitory order to remain in East Khasi Hills