Ka sorkar Meghalaya lyngba ka chnat Health & Family Welfare Department ynne ka sngi da pynmih kyndon thymme ko heiyatoh wow chah u pynlait ya kiwa yoh COVID-19.
Ya kitu kiwa yoh COVID-19 kiwa em yaki dak ki chin wa chitom malu mala, u chah u pynlait noh yaki hadien 10 sngi wa yoh ki yaki dak ki chin wa chitom deiwa ym em yoh ki yei iñdoh 3 sngi. Ya kini ym emkaam de wow leh yaka RT-PCR Test chwa wow pynlait yaki wei hap ki wow chong yung 7 sngi deiwa bood yaki kyndon wa da pynmih ka Ministry of Health & Family Welfare.
Ya kitu kiwa em yei chitom wa rap joor, lada i iñdoh ym wiar i hadien 3 sngi wei ym emkaam wow e Oxygen. Ya kini u pynlait hadien 10 sngi wa sdang u mih ki dak ki chin wa chitom heiwa ym em de i iñdoh, ym em chitom wow riñ mynsien wei ym emkaam de wow e Oxygen. Lada i chitom ym wiar i wei da emkaam wow e Oxygen, u chah u pynlait ya ki du hadien wa wiar i chitom kamjooh wa ym emkaam de wow e Oxygen 3 sngi. Hadien ini, ym emkaam de wow leh yaka RT-PCR Test chwa wow pynlait yaki wei hap ki wow chong yung 7 sngi deiwa bood yaki kyndon ka Ministry of Health & Family Welfare.
Ya kitu won kiwa joor bha i chitom u chah u pynlait ya ki hadien wa chait ki wei hadien wa leh yaka RT-PCR Test wei da man Negative ka Result.
Yaki kyndon ka Ministry of Health & Family Welfare ye phi wow yoh heini.
