15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka sorkar yaki kyndon wa hap biang wow Test ya kiwa da chait na u COVID-19

Advertisement ad1

Ka Health & Family Welfare Department ka sorkar Meghalaya da pynmih ko yaki kyndon wow bood heiyatoh wow Test ya kitu kiwa da chait na u COVID-19.

Neiliang ka sorkar da ong ko wa kiwa da dep yoh ya u COVID-19 wei kiwa da pynbna kam kiwa da chait, da chem toh kiwa man PCR-Positive hadooh 104 sngi nadooh wa yoh ya ki dak ki chin wa chitom ha ki bynta i rupai iwa ktah yei riñ mynsien tangwa kam kini ki jooh leh em kiwa man PCR-Negative.

Ya ini da ong wa i daw toh wa duna i em uni u khñiang ha ki nongmuna (Sample) wa da chim lane wa duna wa em uni u khñiang iwa pynman yaka Test wym ye ko wow chem ya oo. Heijooh i por da ong leh wa i chem ya u COVID-19 RNA lyngba ka PCR kawa thooh hadooh katwon boon uni u khñiang ym em mut wa em boon uni u khñiang hadooh wow ye u pynpoor cha kiwi.

Kamtæ hajrong kini ki yurim da pynmih yaki kyndon heiyatoh wow Test biang ya kitu kiwa da dep yoh COVID-19 kiwa da dep chait na oo.

Ya kitu kiwa da dep pynbna kam kiwa da chait na u COVID-19 wei man ki kiwa ym em yoh ya ki dak ki chin wa chitom, ym emkaam wow Test biang ya ki hapoh 3 bnai wa chait ki.

Ye wow phah Test biang ya kitu kiwa ym em ki dak ki chin hapoh 3 bnai lada daw chah pooid ki, chwa wow leh yaka Dialysis wa kiwi kiwi.

Ym hap wow pyndam yei pooid lada yoh yaka Positive Result na uwa ym em ki dak ki chin wa chitom (Asymptomatic) uwa da dep chait na u COVID-19.

Ya kitu kiwa yoh ya ki dak ki chin wa chitom wa dang thymme hapoh 3 bnai wa chait ki, ya kini ki bru hap wow phah Test biang ki khamtam lada sdang ki wow yoh yaki dak ki chin hapoh 14 sngi hadien wa yachem ki wa kiwa yoh ya uni u khñiang.

Ki bru wa chem toh kiwa da yoh biang ya u COVID-19 hap ki wow chong kset ya idæ kam wow yada katwa dang paitbniah ya iwa chem naka Test kawa pynyoo wa man Positive ki.

Ym toh wow leh yaki Serologic Test yow pyntikna wa em namo ym em COVID-19 lane wa da yoh biang ya uni u khñiang.

Share this:
Previous

Ym em wow leh Politics lada lai Delhi waroh 60 ngut ki MLA yow dawa ILP: R. Kharjahrin

Next

Da sdang pynman ya ka yakob Online Quiz hajrong ka Thma Bangla