Shillong: Neidaw wa em kiwa yoh COVlD-19 kamjooh wa em ki bru wa em hei maa na uni u khñiang wei yow ye u leh yaka Contact Tracing, Quarantine, Testing wa kiwi kiwi ki kaam yow yada yaki paidbah na kani ka khlam, ka District Magistrate, East Khasi Hills District, da pynmih hukum ko haka 2nd August, 2020 yow pynbna yaki yung ka Kledis Mawrie, ka Wandalin Lyngdoh, u Jokistar Kharkongor ha Dong Lad Demthring, Laitkor Nongdaneng, ki yung ka Risuklin Kharumnuid ha Dong Mawlong, Laitkor Nongdaneng, ki thaw nadooh i yung ka Biola Mawrie hadooh i yung ka Kwini Mawrie wa i yung ka Persilina Mawrie ha Dong Nongmadan, Laitkor Rngi u man ki kam ki Containment Area yow lait nei psiah u mih chapoh kini ki thaw.
Kani ka hukum da khang ko yaki bru paidbah wow psiah cha kini ki thaw katwa kiwa em hapoh kini ki thaw toh u neh bait ki hapoh yung.
Ym chah wow pynman ya kiwon kiwon ki yalang paidbah kamjooh ki kaam khayi pateiñ.
Waroh ki dukan u man ki kiwa khang heiwa yaki mar wa emkaaam daw pynbait da ki bor District.
Waroh ki yung krehkaam sorkar kamjooh yong ki bru samen u man ki kiwa khang hadooh wa pynmih hukum da kamwi.
Kani ka hukum ym em khang ko yaki bru wakreh haki kaam i chait i khiah, ki wakreh ka Shillong Municipal Board, ki laad pathai khubor waki Petrol Pump.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
Ha kawi tawan ka hukum ka District Magistrate, East Khasi Hills District, da pynbna wa da dam wow pynman yaka Mawlai Mawtawar kam ka Containement Order kawa krehkaam chisyndon.