Jowai: Ka UDP ynne ka sngi da pynlait chooh chooh ko ya ki pyrtuid ki kyrtong wow yakhun ha kani ka Election MDC ka wow pynman ha ka 27 tarik u Thohlakhmi wow wan.
Ha kani ka thup, ka UDP da e Ticket ko cha u FD Ramsiej na Umroi uwa da dep yut naka seiñ tangwa da wan psiah biang u chwa ka Election MLA uwa da thang leh ya ka lama yong ka UDP ha kitu ki por. Da em leh i pyrchah wa joor na ki dkhot ka UDP wow e Ticket ya u FD Ramsiej.
Hawa pynbna ya ini, u General Secretary ka UDP u Dr. Jemino Mawthoh da pyntip u wa ka State Election Committee da mynjur ko ya i pyrtuid ki 6 ngut.
Kini toh u Hopingstone Bareh na Sutnga-Narwan, u Krison Langstang na Sumer, u Finelyness Bareh na Rymbai-Khliehriat cha ka JHADC katwa cha ka KHADC da pynbna ya i pyrtuid u Egenstar Kurkalang na Nongkrem uwa dang dep yut naka BJP, u Equator L Nongrang na Mairang wa u FD Ramsiej na Umroi.
Discussion about this post