theme-sticky-logo-alt
theme-logo-alt

Pynbna ki bor pulit ya ki thaw pynyieñ kari kamjooh ki kyndon neibynta ka NH7

Advertisement ad1

Jowai: Neiliang ki pulit ka West Jaiñtia Hills yow suk i lai i wan ha ki ar sngi ka 2 wa ka 3 tarik wow pynman ya ka NH7 da pynbna ko ya ki thaw pynyieñ kari kamjooh i rukom pynlai kari.

Da booh ya 4 tylli ki thaw pynyieñ kari kiwa em neiliang timun wa kawi neiliang tidiang ka Jowai Bypass hawa wan neiliang Shillong kiwa da booh pyrtuid Parking 1, Parking 2, Parking 3, wa Parking 4 neibynta ki paidbah, wei jngai ki kamwa 300 meter na ka thaw psiah cha ka NH7.

Advertisement ad1

Daw em ki Volunteer wow pynlai kari kamjooh ki pulit wa pynlai kari ki wow yarap ya ki bru u chem ki ya ki thaw pynyieñ kari kamjooh ki kari wa lai lyngba ini i thaw.

Kamtæ da kyntu ya ki paidbah wow ya krehlang ki wa ki pulit yow lait na i sahkut ki kari wei ki pulit ye ki leh u pynsangeh ya kiwa yah kari dei muaid wei daw rah ki ya ki Breath Analyser wei da kyntu ya ki paidbah wym hoi u yah yari hadien wa da muaid wei lada chem daw pynchitom ya ki katkam ka aiñ.

I lai i wan ki kari won u man hi i kamjooh wei ym em pynkylla namo khang ya kawon kawon ka sarok.

Neiliang ki pulit ka West Jaiñtia Hills da e khublei ki ya ki paidbah yow man kani ka tamasa kawa suk wa kmen.

Ini toh katkam wa pyntip u In charge Traffic Arrangement NH7 u Jason Mairom, MPS.

Share this:
Previous

Lai e yarap ka RIDS ya ki khonswet wa em ha Wahiajer

Next

Ka Result Super Division waka 3rd Division ka WJDSA ynne ka sngi