Ki ar ngut ki bru kiwa kreh monsñiawbha na ka jylla Meghalaya da pynbna ki wow yakhun ya ka Election MLA kam ki kyrtong samen (Independent) na ki ar tylli ki Constituency ka nongbah Shillong wei wow mihkhmat leh ya ka rynsaan KAM Meghalaya kawa man ka rynsaan wow pyrkhat thymme ya ka saiñ hima hapoh ka jylla.
Kini ki ar ngut kynthup ki ya ka Angela Rangad ka wow yakhun na South Shillong wa u Kyrsoibor Pyrtuh u wow yakhun na North Shillong.
Neiliang kini ki ar ngut da ong ki wa i daw wow yakhun ki ya kani ka Election toh wow yaleh pyrchah ki ya i baam-tooh hapoh ka jylla.
“Ha ki 20 snem wa da kreh i wa ki bru ha madan da khreh i pyrchah ya i ini i kaam baamtooh iwa man pyrchah ya ka aiñ,” da ong ki ar ngut, deiwa kyntu leh ya waroh kiwa chong chnong ka jylla wow embynta ha ini i yakhun i wow sah khana parom.
Da ong ki wa i yakhun yong ki u chong i hei chimbynta laitlooid ki bru wa i e yarap poisa ki paidbah (Crowd Funding) wei u man leh ki yalap Election wa kyrpang katkam wa da angnood ki paidbah.
Puræ Chooh : KAM Meghalaya: Ka rynsan pyrkhat saiñ hima kaba thymmai jong ki nongshong shnong ka jylla
