theme-sticky-logo-alt
theme-logo-alt
Advertisement ad1

Pynbna kyndon ka India ya ki ri ka Europe wa 11 tylli kiwi ri

Ka Ministry of Health & Family Welfare ka sorkar India, ynne ka sngi da pynmih ko ya ki kyndon ya kiwa wan na baar ri deiwa pyndam noh ya ki kyndon kiwa da pynmih ha ka 11 tarik uni u bnai wa hadien neidaw wa da pynbna leh da ka World Health Organization (WHO) wa u jait khñiang khlam COVID-19 wa tip kam u Omicron toh u jiat wa hap wow chimkhia bha.

Kini ki kyndon toh kiwa daw krehkaam nadooh wa sdang ka 01-12-21.

Kiwa thmu wow psiah chapoh ka ri toh u pyntip ki ha ka Website ka New Delhi Airport 14 sngi chwa wow wan, hap ki leh wow booh (Upload) ya ka Negative COVID-19 Report kawa da leh 72 kynta chwa wow poi chapoh ka ri lait noh ki khynnah kiwa em hapoh 5 snem.

Kitu kiwa wan na ki ri wa da jied wa kiwa em hei maa hap ki wow leh da iwa rap phær.

Chwa wow ku ha ka lieñsuiñ ya kitu kiwa wan na ki ri wa em hei maa toh u pyntip ya ki wa hap ki wow leh ya ka Test, u leh Quarantine wa kiwi de yow chong kset ya idæ.

Kitu kiwa em yei dak i chin wa chitom manda poi hapoh ka ri, hap ki wow chong kset chisyndon wei lada hadien wa Test wei da chem toh kiwa chah ktah, daw hap ki wow bood katkam ki kyndon wow chong kset hapoh ki thaw sumaar.

Kiwa wan na ki ri wa em hei maa hap ki wow chah Test pyn hapoh Airport lane i thaw wa da booh deiwa hap ki wow su hi.

Lada hadien wa chah Test da chem wym em chah ktah ki, hap ki wow leh ya ka Home Quarantine 7 sngi wei hap wow Test biang hadien 8 sngi nadooh wa poi ki hapoh ka ri wei lada ym em chah ktah, hap ki wow pait hi ya idæ yei long i man i chait i khiah yong ki.

Lada man ki kiwa chah ktah, ya ka nongmuna (Sample) yong ki da phah cha ka INSACOG yow tip kam uwon u jait khñiang wa yoh ki. Ya kini hap ki wow chong kset ha ki thaw sumaar. Wei ya kiwa yachem wa kini ki bru hap wow pynchong kset ki ha ki thaw wa da pynkhreh kyrpang.

Ki ri wa da jied ka sorkar wow pynkhor ya ki kyndon man ki kamni ha wah:

  1. Ki ri wa na Europe wa kynthup ya ka United Kingdom
  2. South Africa
  3. Brazil
  4. Bangladesh
  5. Botswana
  6. China
  7. Mauritius
  8. New Zealand
  9. Zimbabwe
  10. Singapore
  11. Hong Kong
  12. Israel

Waroh ki kyndon ka sorkar man ki kamni ha wah:

Share this:
Previous

Yoh kem ka DRI ya 3,646 tylli ki iPhone-13 wa chalan tooh chapoh India

Next

Wiar uwa na Wapung Shnong la le sngi