Ka sorkar Meghalaya lyngba ka chnat i chait i khiah da pynbna kyndon ko hadien wa sdang biang u ku kiwa yoh COVID-19 ha ki ri ka pyrthai.
Neiliang u Principal Secretary ka chnat da ong u wa ym toh wow hær rngu tangwa katni toh ka samoi lehkmen kamtæ da sneiñ ya ki paidbah wow bood ya ki kyndon yada na u khñing khlam COVID-19 deiwa deiñ ya ki Mask ha ki thaw wa em paidbah wei wow lehkhooid ya ki kti.
Neibynta kiwa kiwa wan na baar ri, da phah ya ki wow paitbniah bha ki yei chait i khiah ki 7 sngi lada mih kiwon kiwon ki dak ki chin nadooh wa poi ki chapoh ka jylla.
Lada em ki yei dak i chin yoh COVID kam i iñdoh, i ky’oh, i raw chy’oh wow lai ki wut-wut yow phah Test ha ki thaw sumaar wa em hapoh ka jylla.
