U DC ka East Jaiñtia Hills District da pyntip u wa kattæ i kreh ya u sarok NH-6 ha ki bynta ka Lumshnong hadooh Malidor toh iwa da lai bha chaaid chaaid chakhmat wei da emkaam bha leh wow pyndep smat yei kreh, kamtæ da emkaam wow booh kyndon yei rukom lai ki kari deiwa leh yeini da ki pulit deiwa yakrehlang wa u Project Director ka NHAI ha ki bynta wa da kdaw da ka NHAI hi.
Ki kyndon man ki kamni:
Ki kari khian (LMV) ki yong paidbah u chah u lai ki na waroh arliang u sarok katwa ki kari wa heh (HMV) u lai ki na du chiliang donhi u sarok deiwa bood yeiwa phah ki pulit.
Ha waroh ki bynta wa dang lai i kreh chakhmat, ka NHAI u booh ko ya ki Signboard ki wow chynna leh heipor miet yow lait na iwon iwon i jia wa sñiawsih ha ini i por wa dang pynchna ya u sarok.
Kini ki Signboard u kdaw ki ya ki thaw wa maa kam ha ki thaw wa em yingkieñ, ki dooid, ki thlu wa rap heh wa kiwi kam kini.
Lada emkaam wow khang ya u sarok da ka NHAI yow ye u leh yei kreh, daw pyntip chwa cha ki pulit yow leh ki yeiwa emkaam yow lait u thut ki paidbah.
Kamtæ u DC da phah u ya u SP kamjooh u Project Director ka NHAI wow em i ya krehlang ki ha ini i por yow lait u jia iwon iwon wa wanrah yei mynsoo ya kiwa lai wa wan kamjooh wow pynsuk ki.
Discussion about this post