15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynbna Lockdown wa 7 sngi ka ri Bhutan

Advertisement ad1
Advertisement ad1

U Prime Minister ka Bhutan u Dr. Lotay Tshering da pynbna u haka 24 tarik uni u bnai wa hadooh katni da ye wow yada yei psiah u COVID-19 chapoh ka ri tangwa hadien 9 bnai, katni da em u hapoh ki chong ki thaw wei da yoo ya ini deiwa sdang u wow poor, kamtæ da hap pynbna noh yaka Lockdown yow ye u leh yei booddien ya kitu kiwa yachem wa kiwa yoh ya uni u khñiang.

Kani ka Lockdown toh kawa krehkaam 7 sngi heiwa da khang yei lai na kawi ka District cha kawi neidaw leh wa sdang ki bru wow yoh ya ki dak ki chin wa chitom kam ha Thimpu, Paro wa ha Lhamoizingkha iwa da ong toh ki sabut wa da em i poor uni u khñiang hapyrdi kiwa chong chnong.

Kamtæ da phah khang ya waroh ki skur, ki yung krehkaam, ki dukan lait noh kitu kiwa dai ya ki mar wa emkaam.

Ka Bhutan da em ko 576 ngut kiwa da dep yoh ya uni u khñiang heiwa 444 ngut toh kiwa da dep chait.

Kani ka Lockdown kawa katni toh ka sien kawa ar hapoh ka ri kawa sdang nadooh ka 23 tarik uni u bnai.

Neiliang u PM da kyntu u ya ki paidbah wow neh bait ki hapoh yung deiwa ong, “Hadien ka Lockdown wa nyngkong ha u Naisaphra (Aug) ha kani ka kynti da pynyoo phi yei ya krehlang wei i ya sñiawthooh lang iwa pynman ya i wow kreh chitom chooh chooh i.”

Share this:
Previous

COVID-19: Waroh ki jylla ka India da em ki palat 90% kiwa chait

Next

Daw pynman yaka yalang paidbah ka Seiñ Kur Chyrmang haka 29 tarik