Pynbna u DC yei rukom lai kari heipor wa chna ya u NH-6 ha ki bynta ka Khliehriat

U DC ka East Jaiñtia Hills uwa man leh kam u Chairman ka Disaster Management Authority ka District da pyntip u wa neidaw wa ka National Highway Authority of India (NHAI) da sdang ko yei kreh ya u sarok NH-6 ha ki bynta ka chnong Khliehriat, da emkaam wow pynbait yei rukom lai rukom wan ki kari.

I kreh toh iwa daw sdang nadooh 9:00 waje i miet hadooh 5:00 waje i step ha Khliehriat East wa Khliehriat West deilang ki thaw wa man yaaw wa kiwi de, kamtæ i lai ki kari u chah du chiliang donhi namo ka One-Way Traffic.

Ini u man ko neibynta waroh ki jait kari heh wa kiwa khian (HMV wa LMV) ha itai i por wa da kdaw.

Ki kari khian (LMV) ye ki wow pynemkaam da ki sarok chnong namo ki Internal Road kiwa yabi wa u NH-6 na Khliehriat East wa Khliehriat West hei step wa i sngi yow duna i khynnia kari kat wym pu dep yei kreh.

Related posts

Ym bien ka High Court ka Bangladesh u e jamin ya u Hindu

May 10, 2026

Pynkup burom ka NPP Women’s Front WJH ya 111 ngut ki manbei wa e chakri ha ka imlang sahlang

May 10, 2026

Neiliang u DC da khut u yei ya krehlang yong phi ki paidbah.