Uwi na ki khloor yalehbol ka Brazil ha kani ka juk, u Neymar Jr. da rai u wow chong ngiah noh nei yalehbol (International Football) hadien wa rem ha ka Norway da 2-1 heiwa u Neymar yoh u wow thap chi kool deiwa chut Penalty.
Kam uwa yalehke ka Brazil da man u uwa boon dooh uwa yoh u thap kool deiwa thap 80 sien na 129 tylli ki yalehke wei ha kani ka yalehke wa khaddooh u ha MetLife Stadium da mih u kam u Substitute wei ha kani ka jooh ka madan ha u snem 2010 da yalehke nyngkong u wei da pynkut ha kani ka jooh ka thaw ya ka Brazil.
Hadien wa kut ka yalehke ynne wei da kut leh i lai luti ka Brazil ha kani ka World Cup, da yoo ya u Neymar wa joo ki umkhmat sñiawsih heiwa da wan ki para wa yalehke wow e mynsien ya oo.
Hawa yaklam wa kiwa thoh khubor da ong u wa da pyrchang ma pyrchang tangwa kattu da kut, wei sdang u leh heini wei da pynkut leh ha kani ka jooh ka thaw.
I chimbynta u Neymar ha kani ka World Cup da artatien hadien wa chitom ka khawah u ha u bnai May heiwa ym em yoh u wow yalehke ha ki Friendly Match pyrchah ya ka Panama wa Egypt tangwa chwa ka World Cup da pyntikna wa da chait u wei da pynbna leh yei pyrtuid u.
Ka Brazil nadooh u snem 2002 hadien wa jop ko ya ka Germany ha ka Final, ym em de ye ko wow pynrem ya ki Team kiwa na Europe.
Discussion about this post