Ka yung krehkaam u SP ka East Jaiñtia Hills District da kyntu ko ya ki paidbah wow syndong dei wym toh u jubab manda yoh Phone ki da ki Number kiwa na baar ri kamjooh ki Message.
Da pyntip leh wa em boon ki Account Facebook, Instagram wa ki Number WhatsApp kiwa leh ya ki kaam wa man pyrchah aiñ deiwa thok poisa ya ki bru wei em kiwa kam toh ki heh ki haaiñ kiwa kreh Bank wa kiwi kiwi de.
Neiliang u SP da e nongmuna u ya kawi ka Facebook Profile kawa da leh yeini i kaam kawa Phone bru da iwi i Number +234-90393727219.
Lada em kiwa chah thok lyngba ka Internet iwa tip leh kam i Cyber Crime, ye ki wow pyntip cha ki pulit deiwa Phone ha u 1930.
Ha iwi won i liang, da pyntip wa uwi u bru wa wan sah chipor ha East Jaiñtia Hills da ujor u wa ha u December 2024 da em uwi u bru wa kam ya idæ kam uwa kreh ka HDFC Bank, uwa da pynbor ya oo wow yaleh Credit Card.
Hadien wa yoh ya kani ka Credit Card, uni u bru da Phone biang u deiwa kylli chaphang ki Number wa kiwi de yong kani ka Card deiwa ong yow Activate ka heiwa da khana lut u. Ha ka 24-02-25 da chem u wa da em wa pynlut Rs. 1,58,074 deiwa pynemkaam da kani ka Credit Card.
Discussion about this post