Pynbna yakhih ki wakreh 108 deiwa chah thngan wa khlem booh por

Shillong: Ki wakreh ka GVK EMRI hapoh ka lama yong ka Meghalaya EMRI Workers Union (MEMRIWU) da pynbna ko wa nadooh mynstep ka sngi daw pynjoor yakhih ko deiwa chah thngan khlem booh por wow pynbor ya ka sorkar wow pyndam noh ko ya ka GVK wow pynlai ya ki kari Ambulance 108 ha kani ka jylla Meghalaya.

U Roipar Kharraswai da ong u wa kam ka seiñ ym yohsa ko wow chim ya kani ka ka rai wa rap khor neibhah wa ka sorkar ym mano ko yei dawa ka seiñ.

Da ong u wa i yakhih chah thngan khlem booh por u sdang i nadooh 10:00 i step hakhmat ka yung krehkaam ka GVK kawa em ha Lawmali, heiwa daw wan chimbynta lang da ki dkhot ka KSU wa FKJGP.

Hawa yaklam wa u montri ka chnat i chait i khiah, u Alexander Laloo Hek da ong u wa ini i yakhih ki wakreh ka 108 daw ktah ko ya ki paidbah ha i kjut i chitom.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hajrong i pynjoor yakhih ka MEMRIWU deiwa chah thngan, u Hek u da ngiat u ya kani ka kaam cha kiwa pynlai deiwa ong wa man i kaamram yong kiwa pynlai wow pynbait ya i eh i khoo wa ki wakreh.

Da ong u leh wa heipor wa thung kreh ya kini ki wakreh, ka sorkar ym em bynta ko, tangwa da pynlai bait da kiwa pynlai namo ka Company wei ka sorkar ymye hi-eh ko wow bahkhlieh yeini waroh.

Hajrong i pyrchah wow e kti pynlai cha kiwi ki Company, u Hek da ong u wa kani ka kaam chong ko ha ka sorkar jylla wow rai neibynta iwa bha tam wow e chakri ya ki paidbah.