U montri rangbahdooh ka ri, u Narendra Modi ynne da pynbna u wa da pteiñ ya ka Garib Kalyan Anna Yojana hadooh u Khonchonglad (November) uni u snem deiwa kyntu ya ki paidbah wow sumaar wei wow syndong ki pyndaki yaki hi.
Da ong u wa nadooh wa sdang wai biang ya ki kaam hapoh ka ri, ki paidbah da sdang kheiñstiñ biang ki deiwa kyntu ya ki wow man ki kiwa syndong bha.
Heiyatoh wa i chah ktah ki bru wa dooh na i khang chnong da pynkynmoo u wa ha ki bnai wow wan daw wan ki lehniam wa ha rukom kam ka Durga Puja, Diwali wa kiwi kiwi kamtæ da pynbna u wa da pteiñ ya ka Pradhan Mantri Garib Kalyan Anna Yojana hadooh ka Diwali wa Chhat Puja.
Hapoh kani ka Yojna-heiwa kawi ka mynyung u yoh ko 5 Kilo u khoo namo ata wa 1 Kilo u chana chi bnai i wow pynmyntoi ya ki 80 klur ngut ki nong India hei lut iwa T. 90,000 Klur.
Heijooh i por da kyntu u ya waroh wow kreh ki neibynta wow kyntu kynrong yei yoh i la wa i khih i kreh kiwa dooh kiwa emkaam yarap.
Da pynkut u yei klam deiwa kyntu wow yada na u COVID-19 deiwa bood ya ki kyndon sorkar kam wow sap mask, u jngai iwi na iwi wa kiwi kiwi.
