15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh kem Heroin ki pulit ka East Jaiñtia wa chongdor T. 30 lak

Advertisement ad1
Advertisement ad1
Advertisement ad1

U SP ka East Jaiñtia Hills u Deepak Kr Palecha, IPS haka Wyrta wa da phah u da pyntip u wa ha i miet ka 29 wa i step synyaw ka 30 tarik uni u bnai hapyrdi u slap wa joor da yoh wow kem drugs wa chongdor kamwa T. 30 lak.

Ya ini i drug da yoh kem da ki pulit ka ANTF ka East Jaiñtia Hills deiwa ya krehlang waki pulit ka Ratacherra CP, Umkiang PP, Lumshnong PS, Umtyra CP, Khliehriat SP waka Ladrymbai OP kiwa da krehchitom wow booddien yei rukum pynlai yaw ya i drugs.

I drugs wa da yoh kem toh na kawi ka kari ha Deinchynrum wei da kem leh ya 2 ngut ki bru kiwa yei pyrtuid yong ki dang murieh neidaw wa ka takit dang lai ko chakhmat.

Kani ka kari toh kawa wan na Assam yow li thooh ya ini i drugs deiwa pynemkaam bakla yaka Transit Pass. I drug wa yoh kem toh i Heroin iwa khia 323 gram kiwa da song hapoh tadong sabon.

Heiyatoh wa ini, yaka mukotduma da booh haka Khliehriat PS wei da pynngat hapoh ki kyndon wa boon ka IPC waka NDPS Act.

Ki pulit ka East Jaiñtia Hills da e khublei ki leh ya kiwa chong chnong kiwa da ya krehlang waki pulit ha kiwon kiwon ki por wa emkaam yaki.

Share this:
Previous

Pynbna yarap u Modi cha ki 80 klur ngut iwa kynjoh i lut T. 90,000 Klur

Next

Sahteiñ i yaklam ki 2 CM toh neidaw u COVID-19: Lahkmen