Ka NEIGRIHMS da pyntip ko wa ynne ka sngi, uwi na kiwa yoh COVID-19 wa sumaar ko da yoh u wow mih Hospital hadien wa da chait u.
Neiliang ka NEIGRIHMS da pyntip ko wa uni u bru toh uwa 58 snem i rta u wakreh sorkar uwa liwan na baar ka jylla Meghalaya wei da phah ya oo cha NEIGRIHMS na Civil Hospital, Shillong haka 13-07-2020, uwa em yei iñdoh kamjooh wa chitom u wow riñ mynsien (Acute Respiratory Distress).
Uni u bru toh leh uwa em Diabetes uwa leh yaka Insulin Therapy kamjooh uwa em yaka High Blood Pressure.
Heipor wa wan booh ya oo, ka RT-PCR yong oo pynyoo ko wa em u ya u COVID-19 wei ka CT Scan pynyoo ko leh yei chah ktah u deiwa em Covid Lung Damage. Da booh ya oo hapoh ka High Dependent Unit (HDU) deiwa e la-ær (Oxygen), Low Molecular Weight Heparin (LMWH), Dexamethasone wa ki Antibiotics.
Suki suki da sang u wow chait wei da rah noh ya oo chapoh ka Covid Isolation Ward hadien wa dam u wow em ki dak wa chitom (Asymptomatic) wei da dam wow e dawai haka 01-08-2020. Da neh bait u khlem em de mih ki dak ki chin wa chitom wei ynne da yoh u wow mih napoh Hospital hadien wa ki artylli ki Test RT-PCR yong oo man Negative ki.