Neiliang u Waheh Chnong ka Pasyih, u Y. Phawa deilang u Secretary Chnong, u K. Siangshai da pynche ki yei pynmih khubor ka seiñ HNYF-Jaintia Zone ha ka 19 tarik uni u bnai wa dep deiwa pynbaad wei pharep kamjooh wow ujor yei mih pyrtuid ki ar ngut ki bru, kitæ u T. Shylla wa u JF Myrphet kawa khlem yurim neibhah ym em da puræ bha ki ya ka Notification wa da pynmih da ka Ministry of Road Transport and Highways, New Delhi kawa em tarik 5th May 2026, wei kamjooh khlem da thooh bniah na u waheh chnong yei mih i pyrtuid kini ki ar ngut heitai i pynbna neibynta u sarok 4-Lane High Speed Corridor.
Neiliang ka yung krehkaam u Waheh Chnong wa ka Dorbar Chnong ym ye ki wow pdiang yeini i pynbaad wa khlem yurim ya kini ki ar ngut wa mut ki u knieh yei hok yong ki tre thaw. Neibhah i mih pyrtuid kitai ki ar ngut ha ka Notification toh hadien wa ki deilang ki tre thaw da ya pynbait wei ya sñiawthooh deiwa che neibynta itai i kaam wei da em leh i ya soi iwa da pyndep yow tipmit katkam ki bor ka aiñ.
Na ini i daw ka dorbar chnong ym ye ko wow tuklar næ pynthut yei kaam yong ki iwa da leh deiwa ya sñiawthooh hapyrdi ki arliang.
Ka dorbar chnong da ong ko wym em sñiawsuk ko wow chah pynmih i pyrtuid ka chnong ha ki laad pathai khubor næ kiwon kiwon ki rynsan klem da em yurim, khlem da tip wei khlem da sñiawthooh yeiwa sakhiat.
Kamtæ neiliang u waheh chnong da kyntu u wa neini chakhmat lada em iwon iwon i pynmih khubor na ki bru samen næ ki seiñbhalang kiwa yatoh wa ki kaam hapoh u pood u ang ka chnong wa toh u wan yasyllok næ pyntip chwa cha ki bor pynlai chnong khnang wym em iwon iwon i jia kynaad næ i sñiawsih hadien habood wei da yooluti leh wym jia de kam ini neini chakhmat.
Discussion about this post