15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Pynche ka MCSWA ya ki pulit ka WJH chaphang kiwa dih drug wa kiwa em HIV

0 Comments
Advertisement ad1

Jowai: Ka seiñ Mihmyntdu Community Social Welfare Association (MCSWA) da pynman ko ya ka yalang wa ki pulit ka WJH ha yung krehkaam u SP ka WJH ynnin ka sngi yow pysñiawthooh ya ki kaam wa da kreh ki neibynta kiwa dih drugs wa kiwa im wa u khniang HIV heiwa ha ki ktien waiphang u Addl. SP u P. Syiem da yaroh u ya ka MCSWA neibynta i kreh yong ka wei da ong u wa haki 30 snem nachwa ym pu jooh sñiaw ya utæ u drug wa iwon iwon i sih wa boonjait tangwa ha kani ki por kat dang lai ki sngi ki por i sih nang joor i kam wa ong hei ktien pahræng “From Good to Bad From Bad to Worse.” Kamtæ da kyrsu kyntu u ya waroh kiwa pait chnong wow sñiawbha ki u ya krehlang neibynta i miat i bha ka imlang sahlang.

U W. Dohling, Assistant Director – Targeted Intevention (AD-TI) ka Meghalaya Aids Control Society (MACS) da batai u hajrong ka phang “I rukom krehkaam wa tip kam ka Targeted Intervention (TI)” heiwa da ong u hapoh ri-loom Jaiñtia da em 3 tylli ki TI, 2 tylli ha Jowai wa pait neibynta kiwa pynemkaam drugs kawa tip kam ka Injecting Drugs User (IDU) ka wi won kawa pait ya ki kynthai wa uiñ wa lai (Female Sex Worker) kawa em ha Salaroh wa ha Ladthadlaboh, Jowai katwa ha EJH won da em ka wi kawa tip kam ka Core Composite kawa pynkrehkaam ya kini ki ar tylli ki project kawa em ha Khliehriat. Da khana u leh wa lyngba kini ki 2 tylli ki project da yoh u e yarap ya kiwa dih drugs wa ki kynthai wa uiñ wa lai deiwa pynlum pynlang ya ki wei da e ya ki ya ka syllok namo ka Counselling ha ki rukom wa boon jait heiwa kammon u tei yei rukom im yong ki sa chisien, heijooh i por da em leh ki test HIV wada leh mynkna ya ki, wei da sikai ya ki leh lada em ki ya u khniang HIV kammon u pynemkaam ya u Condom hawa chongkha chongman ki wei wymhoi u e ki cha kiwi lada em ki kam uni u khniang.

Da batai chooh chooh u wa ha MCSWA da yoh ki leh ya ki Check Up na ki Doctor na ki por cha ki por, wei yeini waroh da leh toh neibynta u yada ya ka chnong ka thaw yong i yow lait ko na uni u khniang HIV neibhah da batai pynche ya ki wa ym hoi u pynbi ki cha kiwi.

Ka Dr. J.N. Shullai, Director MCSWA da klam ko ya i eh i khoo wa kini ki bru wa haap hapoh ka High Risk Group tynkhooh ki na ki por cha ki por neidaw wa kini ki bru chah ban beiñ ki haka imlang sahlang neitæ i daw pynman ko ya ki wow tieñ ki u wan chakhmat hei wow chim ya ki laad yarap naka sorkar.

U Arbor Thangkhiew, Field Staff Prison Intervention, Shillong da klam u hajrong ka phang “Kammon u sñiawthooh ya kiwa pynemkaam drugs.” Wei hei klam yong oo da pynkynmoo u yeiwa ong ka Word Health Organisation wa “I kyrni toh i kjut” kamtæ da ban joor u wa ya kiwa kyrni wow dih drugs emkaam ki i sumaar, emkaam ki i kyrchaan na yung, na lait, na ka imlang sahlang khnang yow ye ki u lait na ini wa myllien ki.

U SP ka WJH hawa e yei klam da e u i kyntien pynchlur heiwow ya krehlang chirup ka tnat pulit wa ki NGO neibynta i bha i miat ka imlang sahlang. Da kyntu u leh ya ki pulit wow tip ki ya ki laad yada pyn ya ki hi heipor wa e ki i yarap ya kiwi. Da ong u leh wa ym hoi u tieñ ya u khniang HIV ym hoi u yoo beiñ ya kiwa yoh ya u khniang HIV tangwa emkaam ki wow tip kammon wow yada pyn da ki ya ki hi.

Ya kani ka yalang da pynlai da ka Rinibeth Patlong kawa naka FHI 360 wei da pynkut ya ka yalang da ki ktien e khublei ka Sunita Suna Program Manager ka MCSWA.

Advertisement ad1

0 Comments

Leave a Reply