Ka Fact Check Unit ka Press Information Bureau kawa boodien yei mih ki khubor thok, ynne ka sngi da pynche ko wa ka Department of Telecom ym em e Internet mynkna ko cha ki paidbah hadooh ka 3rd May, 2020. Kani ka khubor thok toh kawa da em wa pynpoor wa da e Internet mynkna cha waroh daka sorkar yow ye ki bru wow kreh na yung heiwa da em leh i link wa thok wa da booh lang wa kani ka khubor hamsaya.
Neiliang ka Ministry of Home Affairs da pynche ko heiyatoh wa mih khubor wa daw pynchitom yaki Company Directors kamjooh kiwa pait wa pynlai (Management) lada ki wakreh ki yoh ki ya u COVID-19 kawa man ka khubor thok. Ka kyndon hi ong ko wa em i pynchitom lada em wa leh chanam lane deiwa tip wa pynpoor ya uni u khñiang khlam hapoh i leh khalær ki tre.
Da pynche leh wa ka Ministry of Tourism ym em pynmih hukum ko wa waroh ki Hotel toh u man ki kiwa khang hadooh ka 15th October, 2020 neidaw ka khlam COVID-19.
Katwa ka chnat ka PIB (Assam Regional Unit) da pynche ko waka ICMR ym em ko i thmu wow puræ bniah yei rukom man khlan i doh i pran ki tre ri tre chong ki jaitbru Assam. Ya ini da pynche neidaw wa em wa ong wa ki jaitbru Assam ym em wa yoh ya u COVID-19 neidaw wa man ki ki jaitbru wa em haki i bor i doh ki wow yaleh pyrchah ya uni u khñiang iwa da pynman yaka ICMR yow thooh bniah yeiwa em ha doh i pran ki bru Assam.
Discussion about this post