Pynche ki pulit yei chah pynbaad wa phah dait da u ksaw ya uwi u bru ha Dawki Police Station

Ka yung krehkaam u SP ka West Jaiñtia Hills District da pynche ko yei chah pynbaad ki pulit ka Dawki Police Station wa phah ki da u ksaw wow dait ya uwi u bru wa kem ki.

Da pynche wa hei step synyaaw ka 12 tarik heipor kamwa 2:00 waje, ki pulit ka Dawki Police Station heipor wa leh ki ya ka Night Patrolling da ksoh ki ya uwi u bru ha thaaiñ Nongtalang uwa tip kam u Solin Suting uwa na Pyrdiwah deiwa suba toh uwa na baar ri nei rukom riam wei wa sariem dur u kam ki nong Bangladesh.

Kamtæ da rah ya oo cha Police Sation yow pynman yei takit wei yow pait ya ki kot ki sla u neibhah da chem leh ya kwi ka ID Bangladesh na oo wa em i pyrtuid u Shombor Rikason.

Heini i por wa em uni u bru ha Police Station, da em u ksaw wa dait oo wei neiliang ki pulit da kit ki ya oo cha thaw sumaar tangwa uni u bru ym bien u wei da kwah u wow li booh oo cha chnong u ha Pyrdiwah wei daw sumaar u pyn da oo ya oo hi neibhah oo toh uwa sumaar bru wei em dawai hi u, kamtæ da leh yeini wa kwah u.

Related posts

Chah ieh iwi i khonboo hapoh ka Cradle Point

November 23, 2024

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

Tangwa hadien da tip won wa ynnin hi ka sngi da kit kiwa ya-yung u cha Nongtalang PHC yow chah sumaar wei da yoh u leh wo mih napoh i thaw sumaar.

Kamtæ ki pulit da ong ki wa ini i chah pynbaad wei mih khubor wa phah dait ki pulit da u ksaw ya uni u bru toh iwa bakla.

Kam wow kdaw heini wa ka khubor wa da mih da pynbaad ko wa u Solin Suting uwa man kam uwa e dawai kynbat heipor wa lai u dei kjat deilang wa le ngut kiwi neidaw wa sih kari yow lai thooh bru yow chna kari, da wan ki pulit wow takit ya ki wei da suba ki wa u Solin toh u nong Bangladesh wei da kit ya oo cha Dawki Police Station.

U Solin da kam u wa da pynyoo u leh ya ki kot ki sla kam u Aadhaar Card wa ka EPIC u yow pynsakhiat yei man tre ri u.

Chooh chooh u Solin da pynbaad u wa da bom da dat ki pulit oo wei da kdoh ki oo da u kynjri wei da pynlait ki da u ksaw uwa da dait ya oo wei hadien ini da lai noh ki oo cha rood i chnong Pyrdiwah heipor kamwa 3:00 waje i step wei da maham leh wym toh u khana bru wei lada leh u yeini daw siat ya oo.

Da pynbaad u leh wa ki pulit toh kiwa da muaid.