Kiwa ha yung ha sem yong u Onishwa Lamare uwa naka chnong Nangbah, West Jaiñtia Hills uwa kamai kari Local Taxi wa em ya u number ML-04C-1345 da beiñ ki yei chah pynbaad wa man chohnoh u.
Ini da jia i haka 12 tarik uni u bnai ha chnong Mutong, East Jaiñtia Hills heipor pyrdi sngi hawa dang lai u da ka kari kamai u wei da chah dat u leh deiwa pynbaad chohnoh ya oo khlem tip wa uni u bru uyi oo wei hadien ini da pynpoor cha ki Social Media wa u Onishwa toh u chohnoh wei da em chohnoh 35 ngut ha Jowai, Amlarem wa ha Wapung wei da uiñ ki da ka kari u Onishwa cha kylleiñ kylleiñ ki chnong.
Kiwa ha yung ha sem da pynsakhiat ki leh na ki pulit ka Ladrymbai Police Outpost wa u Onishwa ym em pyrtuid u wa ki pulit wa jooh leh u ya kiwon kiwon ki kaam wa sih næ pyrchah yaka aiñ wei man u du kam uwa kamai kari.
Kiwa ha yung ha sem u Onishwa da kyntu ki leh ya kiwa kamai kari yow man ki kiwa husiar lada em wa chimwai (Book) yaka kari wow li booh bru deiwa paitbha kiwa man kam kiwon ki jaitbru wa cheiwon lai ki kamjooh neiwon wan ki khnang wow lait na iwa sih.
Discussion about this post