Hadien wa ka Fishing Competition wa da pynman da ka Ri Jaintia Pond Owner’s & Fishing Organisation ha ka nan u Edwin Lyngdoh wa em ha Thadmuthlong-A, West Jaiñtia Hills District ha ka 20 tarik uni u bnai da chah pynbaad ko ha uwa chimbynta uwa tip kam u Binit Suchiang wa chah kyntait ka dakha wa khwe u kawa khia 4.954 Kg kawa ye u yoh ya ka 1st Prize kawa Rs. 10 lak heiwa da e syndon u da ka FIR pyrchah ya kiwa pynman ya kani ka yakob khwe dakha.
Hajrong ini neiliang ka Ri Jaintia Pond Owner’s & Fishing Organisation da e ko yei pynche heiwa u Phremting Shylla uwa man kam u dkhot EC ka seiñ da ong u wa hawa wan phah thaw u tre ka dakha da chem toh kawa khia 4.954 kg tangwa manda pait yei dur i dar ka dakha da pynartatien ko ya kiwa pynlai ya kani ka yakob khwe neibhah ha ka sngi wa pynlait ya ki dakha thymme toh kiwa khai 2.500 kg hawah haneiñ kiwa man kam ki wow yaknieh kiwa khwe yow jop ya ka song poisa kawa da ki lak.
Ha kini ki dakha da booh leh ki dak, ki Signal yow tipmit ya ki dakha kamjooh leh yow yoh yei chaniah na kiwa chimbynta.
Kamtæ hawa thaw ya katu ka dakha wa khia 4.954 kg pyn ha itu i por ym ye ka u pdiang neibhah wa kani ka dakha da tikna 100% ymtoh ka yong ka seiñ wei ym ye ko leh u man ka dakha warim hawa pait pyn na i dur i dar ko wei i doh ko toh iwa da tah da em kha iwa mut ymtoh ka dakha rim wei ym em leh ki dakha thymme kiwa khia 4.954 kg.
Mar ya chem yeini da pynbna cha ki paidbah yow yoh yei chaniah na kiwa wan khwe.
Da pynche chooh chooh wa ha kyllieñ ki thaw wa pynman ya ki Fishing Competition da em ki kyndon wym pdiang ya ki dakha kiwa da yap wei ha katu ka sngi hawa wan e ya kani ka dakha toh kawa da yap.
Puræ leh: Chah e FIR kiwa pynman Fishing Competition ha uwa kam ya ka 1st Prize wa Rs.10 lak
Discussion about this post