Pynche u Dolloi ka Nongjngi yei chah pynbaad pynkylla pyrtuid yei thaw ha Namdong

U Dolloi ka Nongjngi Elaka, u Copiousness Daw da pynche u ya ka khubor wa pynmih da u Secretary Chnong Namdong-A hajrong i paan Land Holding Certificate (LCH) u Romario Sungoh ya i thaw wa tip pyrtuid kam i Khlieh Lamanang wa haap hapoh ka Elaka Nongjngi iwa da thied u na u Ankur Star Kympad katkam ki pood wa dai cha oo wei i pynbaad wa da pynkylla pyrtuid u Dolloi ya ini i thaw cha i Myrlein toh iwa bakla.

“Heisakhiat ym em u pynkylla O ya i pyrtuid thaw tangwa u Secretary ym em u puræ bniah u ya ka chithi wa da thoh da ka JHADC kamjooh leh ym em u thooh yutip wa bniah u hajrong i pyrtuid ka dorkhat LHC wei ini i thmu toh wow daisarom ya nga u Dolloi wa synchaar ya ka Elaka Nongjngi,” da ong u Dolloi.

Chooh chooh u Dolloi da ong u wa da pynbaad wa da tyrwa (Recommend) ya ka LHC yong ini i thaw khlem ap ya iwon iwon i ujor na ka chnong Namdong-A, tangwa hei sakhiat ym em iwon iwon i ujor cha oo kam u Dolloi wei ka chnong ym em pyrchah ko ya ini i thaw wot hadien wa da pyntip cha ka chnong lyngba u Waheh Chnong wow emlang ha ka sngi wow lai sylli (Spot Enquiry) khnang wow lait na iwon iwon i kaam wa bakla.

Katwa ka chnong da booh pathan ko da ka ujor cha ka Office u Revenue Officer ym cha u Dolloi kamtæ neiliang u sahep ka Council leh da ekti u cha ka Village Court wow pait wow bichaar ko ya ini i kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katwa neiliang ki ar ngut ki dkhot ka Village Court u Rio Pulang wa u Kiton Samati da chim kabu pathan ki ya ini i kaam wow daisarom ya u Dolloi deiwa pynmih khubor ha ka 20 tarik uni u bnai.

“I pynbaad ki wa nga da lai lait næ wa da mylliñ ya ki dkhot ka Village Court man ko kawa khlem yurim neibhah wa da pyrchang O wow thooh luti wow e yumut chwa ya ki waroh wow pynbait yow lait na i yaleh mukotduma lada man iwa ye.”

“Heijooh i por u Secretary (L) Oren War yong ka Village Court leh dang khlaad wot u, hei sakhiat ym kwah wei ym empor O wow pynche ya ini neibhah wa dang hap pynlai O ya ki kaam ka Elaka,” da pynche chooh chooh u Dolloi.

Puræ leh: Ye em khana u Dolloi ka Nongjngi cha ka Village Court yeiwa phah bichaar ka JHADC