Ka Overseas Job Fair 2024 neibynta wow yoh kreh cha baar ri, da pynman ka ynnin ka sngi ha State Convention Centre, Shillong da ka Meghalaya State Skills Development Society (MSSDS) hapoh ka chnat Labour, Employment & Skill Development ka sorkar Meghalaya.
Ha kani ka sngi da emlang leh ka Dr. Ampareen Lyngdoh, Montri ka chnat i chait i khiah kawa da khana yeiwa dang dep wan ko ini wa dep na Japan yow lait yachem wa ki le ngut ki Nurse na Meghalaya kiwa kreh ha kani ka ri kiwa da yoh kreh lyngba ka Job Fair kawa pynman chwa kani.
Ka Dr. Ampareen da pynchlur ko ya kiwa da wan cha kani ka Job Fair wow pait ki laad wow yoh lai kreh cha baar ri kam cha Japan wa kiwi de deiwa khana leh wa ka jylla da pynkhreh ko wow phah Nurse cha Singapore.
Da ong ko leh wa ym du ini, ka sorkar pait ko leh ya kitu kiwa emkaam yarap kyrpang kam kiwa duna hei doh i pran, ki mistri kamjooh wow pynkupbor ya ki kynthai ha kiwa boon ki jait kaam.
Neiliang u Executive Director ka MSSDS, u Ram Kumar S da klam u chaphang i chem chitom ki khynroo ka Meghalaya kiwa da em 80,000 ngut kiwa thooh kreh man-u-snem. Wei yow lait na ini, ka sorkar da wanrah ko ya ka Prime wa Skills Meghalaya yow pynchlur yei seiñ khih kam kawi ka laad yoh kreh heithaw wow yooluti da ki kreh sorkar.
Kamtæ da ong u wa emkaam i sap wa tip kreh khnang wa ki bru wa emkaam bru wakreh leh yow ye ki u thung kreh.
Ha kani ka Job Fair ha uni u snem da wan palat 500 ngut kiwa thooh kreh ha ki kaam Nurse, ki Hotel, ki lieñsuiñ, ki kaam wa yatoh wei baam i dih, ka rep ka riang wa kiwi kiwi wei neiliang ka sorkar da ong ko wa ini waroh toh yow pynoo ki laad ki luti hawa duna ki laad ha Meghalaya.
Discussion about this post