Hadien waka Medical Expert Committee ka sorkar Meghalaya da chong pyrkhat ko yei e buit ka WHO heiyatoh wow tymmoh yei ktien i khmut deiwa sap daki Mask yow yada nei poor u khñiang COVID-19.
Neiliang ka Committee da pynsñiaw ko wa i pynemkaam yaki Mask u man i iwa yarap lada man kiwa leh khooid wow sait yaki kti, i pynemkaam ya i sanitizer lane i sabon, ym hoi u tba ya i bynta ka Mask wa em cha lait wei wow jngai uwi na kawi namo ka Social Distancing.
Da pynchlur leh yaki paidbah wow soor lane u chna da i yong ki hi ki Mask deiwa pynemkaam da ki that wa em pyn ha yung hi yow ye u pyndap yei duna kini ki Mask yow pynemkaam ki paidbah.
Neiliang ka yung krehkaam u Principal Scientific Advisor ka India da pynmih ki yei sikai wow chna Mask iwa suk deiwa pynemkaam da ki tiar ki tar wa em ha yung ha sem kawa ye u pynemkaam boonsien. Kamjooh leh kammon wow pynkhooid manda dep pynemkaam.
Da ong leh wa u pynbiang Mask ya uwi pa uwi ym man ko kawa suk kamtæ emkaam wow chna hi yaki Mask.
Ya i rukom chna ya kini ki mask ye phi wow yoh deiwa Download heini.
Discussion about this post