U Chief Minister ka jylla, u Conrad K. Sangma ynne da yachem u wa kiwa tem wa put kam chibynta ka India International Music Week (IIMW) kawa da pynman ha Courtyard by Marriott, Shillong heiwa da kynmoo u leh yei por wa dang khynroo u heiwa oo leh jooh em u ya ka Band tangwa ym yoh ka rynsan wa biang wow bood yeini wa thrang mynsien heiwa da chem chitom nadooh wow pynbiang ki tiar tem, ka bai kit ya ki tiar tem, heiwa hadooh ki Poster leh da pna chna hi ki wei hanla man ini waroh toh iwa eh tangwa da man ko kawa sahkynmoo heiwa da tip ya chiboon iwa thymme.
Da ong u na ini da mih leh ka buit wow sdang ya ka MGMP wei katni neiliang ka sorkar da yaleh ko wow pynbiang ya kitu kiwa kwah wow kamai dei rwai i tem neibhah ki khynnah hadooh ki khynroo leh emkaam ki ya ka rynsan wei ka laad wow leh ya iyi wa maya ki.
Da khana u wa hapoh ka MGMP da em hadooh 8000 ngut kiwa rwai wa tem wei u moomær wa thymme toh yow chna yei sur yong ki hi ymtoh de du wow tem ya ki sur yong kiwi yow pynman ya ka Meghalaya wa Shillong ym du kam ka Concert Capital tangwa ka Music Capital wei u man kamtæ toh deiwa ye u pynmih da ki sur wa pna chna hi namo ki Original Music yow yoh yei tipmit ka pyrthai.
Da ong u wa yow ye u leh yeini daw sdang ya ki Professional Studio wa ki Music School wei daw wanrah kiwa na baar ri kiwa pliah yeini yow yahluti ya ki khynroo yong i kiwa da em chwa yei sap.
Ha kani ka yachemlang ynne ka sngi da wan wow chimbynta 250–300 ngut kiwa tem wa rwai kamjooh ki bru wa emkti ha ki kaam pynman tamasa na kylleiñ ka jylla.





Discussion about this post