U Dolloi ka Elaka Jowai, u Puramon Kynjing ynne ka sngi da ya ksohkti lang u wa ka yung krehkaam u CEO Meghalaya yow pynsñiawthooh ya kiwa chong chnong ka Jowai yei emkaam wow thap Vote deiwa kyntu ya ki paidbah wow ya mih ki deiwa boon haka 19 tarik uni u bnai.
Ya ka yalang da pynman da ka yung krehkaam u Chief Electoral Officer Meghalaya ha Iawmusiang, Jowai.
U Dolloi hawa e yei klam da kyntu u ya ki paidbah wow wan chakhmat u chimbynta ha ka synchaar paidbah neibhah i thap Vote man ko kam u mooknor ka synchaar paidbah kamjooh leh i hok yong kiwa chong chnong yow jied ya kiwa mihkhmat yong ki.
Da emlang leh ha kani ka yalang wa u B.S. Sohliya, Deputy Commissioner ka West Jaiñtia Hills District uwa da kyntu leh ya ki paidbah wow wan ki chakhmat yow thap Vote deiwa jied ya u næ ka kyrtong wa yoo biang dooh ki.
Discussion about this post