15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynchlur u Vice President ya ki khynroo wow pynkylla yaka khlam cha ka kabu

Advertisement ad1
Advertisement ad1
Advertisement ad1

U Vice President ka ri u M. Venkaiah Naidu ynne ka sngi da e buit u ya ki khynroo khyllood ka ri wow pynkylla ya ki eh wa wanrah da ka khlam COVID-19 cha ka kabu.

Hawa e yei klam hadien wa saam ya ki Certificate cha kiwa chah sikai haka Swarna Bharat Trust, Vijayawada, u Vice President da ong u wa ka khlam da ktah ko ya kiwa boon ki laad e kreh wei heijooh i por da wai laad ko ya kiwa boon kiwi.

Deiwa ong palat 65% ki bru hapoh ka ri toh kiwa em hapoh 35 snem, u Naidu da ban joor u wa lada ye wow pynemkaam ya ki, ki khynroo wa ki kynthai daw man ki kam ki chabi wow pynheh yaka ri. Kamtæ da khut u ya waroh ki sorkar jylla kamjooh ka sorkar pyrdi wow pynku yei sap ki khynroo khyllood wei yow pynboon yei pynman kam kini ki e sikai. Deiwa ong wa ki esikai toh u man ki katkam ka juk wa katni.

Da ong u leh wa i heh ka GDP ym toh du ka wow pynyoo yei ku ka ri, u Naidu da ong u wa i pynkup bor ya ki bru toh iwa pynyoo sakhiat yei roi i paar. Da pteiñ u deiwa ong wa emkaam wow booh ya ki thong krehkaam kiwa daw wanrah yei myntoi katwa dang lai ki por ym toh kiwa du chipor donhi.

Hawa klam hajrong ka khlam kawa dang pteiñ hadooh katni, u Vice President da ong u wa da yoo wa i chait i khiah man i iwa kor bar yaka spah wei ya ini da pynsakhiat biang katni. Ha i jooh i por da ong u wa kiwa yap ha India duna bha ki hawa nujor wa kiwi ki ri kamtæ da pynchlur u ya ki paidbah wow im ki deiwa chait wa khiah.

Hawa saam ya ki Certificate cha kiwa da pyndep yei chah sikai, da yaroh u wa da pynemkaam ki ya ki laad sikai kiwa Online khamtam heipor wa em ka Lockdown. Da yaroh u leh yaka Swarna Bharat Trust kawa da pynkup bor ya ki kynthai deiwa e sikai kamjooh yeiwa e yarap cha kiwa emkaam yarap heipor ka Lockdown.

Share this:
Previous

Pynmih hukum ka MHA yow pteiñ ki kyndon yada na u COVID-19

Next

Maham ka Ladthadlaboh ya kiwa wan chong dih, kiwa pyntaroi hapoh ka chnong