Jowai: Ka Khasi Students’ Union (KSU) Narpuh Circle ynnin ka janmiet ka 23 tarik da yoh ko wow pyman ya ka yalang e khublei, kitbok kitrwiang wei wow e mynsiem ya u Mihsalan Truh uwa na Lumshnong u wow lai chimbynta cha ka Asia Youth International Model United Nations kawa pynman ha Kuala Lumpur, Malaysia. Kani man ko leh kam chibynta ka United Nations Environment Program (UNEP) ka wow sdang nadooh ka 25 tarik hadooh 28 tatik uni u bnai. Ka phang yong kani ka lympung toh “Human Security Agenda in the Globalized World.”
Da em hadooh 35,000 ngut ki khynroo khyllood na ki ri ka pyrthai kiwa da yaleh wow chimbynta ha kani ka lympung, tangwa da chah jied 1567. U Mihsalan Truh toh uwa puræ Class 12 ha Shillong Commerce College. Man u leh u khon ka Moidellin Truh wa u (L) Harding Shylla.
Ha kani ka yalang wa tbian wa pynman da ka KSU Narpuh Circle, da emlang u SS Niangti Financial Secretary ka KSU JHDU, u Charity Suja GS KSU JHDU, u Hamlen Rymbai, u Satley Ryngkhlem V. President KSU Khliehriat Circle uwa man leh u waheh chnong ka Wapung Skur uwa man leh u President ka Synjuk Waheh Chnong EJH wa u Ohiwet Rymbai Financial Secretary ka KSU Khliehriat Circle.
Da pynlai yaka yalang da u President ka KSU Lumshnong Unit u Hame Gympad. Kam ka dak wow e mynsien ya u uni u khynroo, ka KSU Narpuh Circle da e yarap ko da ka poisa kawa T. 10,000 kam i yarap khian.
Neiliang u Mihsalan Truh da pynsñiaw u yei sñiawngooh ya ka seiñ neibynta i e mynsien wei yarap.
Ya kani ka yalang da pynman ha yung Club Kotsati Lumshnong.
Kani toh katkam ka kyrwoh na u SL Suchiang Publicity Secretary KSU Narpuh Circle.
Discussion about this post