Ka lieñsuiñ yapam kawa tip kam ka MiG 27 Fighter (Bahadur hapoh India) ka Indian Air Force, kawa da pynemkaam haka thma Kargil waka Pakistan 20 snem nachwa, da pynhær ya ki khaddooh ynne ka sngi. Ki MiG 27 da man ki kam u budloom ka Indian Air Force ha ki 40 snem wa da dep. Da hær khaddooh ki kawi hadien kawi na Jodhpur Airbase iwa man leh du iwi i thaw wa dang booh wei pynemkaam yaki MiG 27 hapoh ka ri.
Ki MiG 27 kiwa pynemkaam katni toh kiwa da pynthymme (Upgraded) ha u snem 2006. Kiwi tawon ki lieñyapam wa kam kini ki jait kam ka MiG-23 BN & MiG-23 MF wa ki warim ki MiG 27 da dep pynchongngiah yaki da ka Indian Air Force.
Ka IAF Number 29 Squadron toh du ka donhi wa pynemkaam ya ki MiG 27 (Upgraded). Ya kani ka Squadron da pynkha ha 10-03-1958 ha Air Force Station Halwara da ki lieñsuiñ Ouragan (Toofani). Ha ki snem wa da lai da pynemkaam ki yaki Fighter Jet kam ka MiG 21 Type 77, MiG 21 Type 96, MiG 27 ML waka MiG 27 Upgrade.
Discussion about this post