Jowai: Hadien wa mih khubor wa emkti kiwa yahkhmat yong ka MPUF haki kaam khayi tooh yaki masi cha Bangladesh, neiliang yong ki 4 tylli ki seiñbhalang napoh East Jaintia Hills District kiwa kynthup yaka EJNC,HANM,HNYF wa UHM, da pynman ki yaka yalang wa jhan ynne ka sngi wow ya phyllu yumut hajrong kani ka kaam.
Haka yachemlang yong ki 4 seiñ, da iwi i sur da rai ki wow sangeh chwa chipor ya i dawa kyrriah kaam noh ya u Superintendent of Police (SP) East Jaiñtia Hills District, hajrong ka yurim wa ym kwah wow khleh ja ktung yaka phang dawa yong ki, neidaw wa ha kini ki sngi wa da dep neiliang ka MPUF da embynta lang wa ki 4 seiñ wow dawa kyrriah kaam noh ya u SP EJHD, tangwa da mih khubor wa da da Charge sheet ya kiwa yahkhmat ka MPUF wei neiliang yong u SP EJHD da pyntip paidbah wa da pynngat ya kiwa yahkhmat ka a MPUF haka kyndon khayi tooh yaki Masi cha Bangladesh wei ka kaam katni da em ko hapoh ka yung bichaar.
Kamtæ ki soo seiñ da pyndam chwa ki chipor yei dawa kyrriah kaam ya u SP khnang wym em i thut yaka takait yow chem ya iwa sakhiat.
Da pynche ki leh wa i dawa kyrriah kaam yow SP toh neidaw wa kyntait u wow yachem wa ki seiñbhalang haka 25-11-2019 hadien wa chah kem yong ki 4 ngut kiwa chong chnong ka EJHD khlem kawon kawon ka yurim kawa che deiwa dawa leh wa ki seiñbhalang toh u phah chwa ki yei pyrtuid ki dkhot yong ki chwa wow yachem ya oo. Ha chwa ini leh da em ka ujor na kiwa chong chnong yong ka District wa man ko kawa eh wow yaklam wa u SP neidaw wym tip u klam Khasi namo dei ktien Pnar wei hajrong kani ka yurim da kyrriah kaam noh ya u SP, ym toh wow pynksan yaka kaam pyrchah aiñ yong kiwon kiwon, pynkut ka kyrwoh na kiwa yahkhmat ka EJNC,HANM,HNYF wa UHM.
Also Read: Kem ki pulit ya ki ar tylli ki truck wa kit masi wa suba wow challan tooh cha Bangladesh
Discussion about this post