December 3, 2019
0 Comments
Advertisement
Advertisement
Shillong: Ka Disciplinary Committee yong ka Meghalaya State League 2019 da pynsñiaw ko yei leh bakla ka Mynthong yeiwa pynmih madan ko da uwa yalehke uwa na baar ri, haka yalehke wa nyngkong yong ki haka Group B ha Khliehriat pyrchah yaka Sutnga haka 28-11-19.
Uni uwa yalehke uwa da mihpyrtuid wa chah khang wow mih madan ha katai ka sngi toh u Dieye Hamidou, uwa thap ar tylli ki kool yow pynjop yaka Mynthong da 3-1 yaka Sutnga.
Advertisement
Advertisement
Haka chithi cha u Secretary ka Mynthong SC, na u Tournament Director, MSL 2019 u Wanshan Kharkrang da ong, “Ya uwa yalehke wa da pynmih pyrtuid da yoh u yaka mynjur wow Transfer da ka AIFF (All India Football Federation) du haka janmiet ka 29-11-19 tangwa da pynyalehke ya oo haka 28 tarik pyrchah yaka Sutnga SSCC iwa man da tynkheiñ yei kyndon ka MSL.”
Kamtæ yaka Sutnga da e noh yaka 3 Point na kani ka yalehke iwa pynku ya ki Point yong ka cha 6 Point na ki artylli ki yalehke katwa ka Mynthong da hiar cha 6 Point na 9 Point na ki le tylli ki yalehke.
Advertisement
