Hadien wa mih i pyrchah yeiwa e Ticket ka BJP-Arunachal Pradesh cha ki wym toh ki ST ka Arunachal Pradesh haka Panchayat Election cha ki Constituency wa em ha Changlang District, ynnin ka sngi da thoh ka Party cha u District Returning Officer ka Changlang District yow pyntip cha oo wa da pyndam yaki Ticket wa da e cha ki kyrtong hapoh ka 14/08 Vijaynagar Zilla Parishad Constituency.
Da pyntip leh cha u Returning Officer wa ym toh leh wow pdiang ya kiwon kiwon ki BJP Ticket neibynta ka Panchayat Election-2020 ha ka Constituency wa da kdaw haneiñ.
Kam wow pynkynmoo wa ka All Arunachal Pradesh Student’s Union ( AAPSU ) da pyrchah ko ya ini iwa e Ticket ka BJP cha ki bru ki wym toh ki ST ka Arunachal heiwa da e por leh 2 sngi wow pyndam ya kini ki Ticket.
Puræ leh: E por ka AAPSU yaka BJP ar sngi yow pyndam yaki Ticket wa da e cha ki wym toh ki tre jylla
