Ka All Arunachal Pradesh Students’ Union (AAPSU) da e por ko 2 sngi yaka BJP yow pyndam ko yaki Party Ticket kiwa da e cha ki arngut ki bru ki wym toh ki ST ka Arunachal Pradesh yow yaleh ki yaka Panchayat Election hapoh ka Changlang District.
Ka AAPSU da ong ko wa lada ym ap yeini iwa dawa, daw sdang yei yakhih nyngkong hapoh kani ka District wei hadien daw pynjoor cha kylleiñ ka jylla.
Da kyntu leh ya waroh ki Party hapoh ka jylla wym toh u e Ticket cha ki wym toh ki ST ka Arunachal deiwa ong leh wa da jooh kyrpaad leh yaka sorkar wym toh u embynta ki wym toh ki tre chnong ka jylla ha ki Election kam cha ki Panchayat namo ki Zila Parishad heiwa da yaleh ka Union wow pyndam yei pyrtuid ki bru wa yut chnong (Refugee) kiwa da wan chong chnong hapoh ka jylla kiwa da yoh leh yei hok wow thap Vote.
Ka BJP kawa man katni kawa synchaar hapoh Arunachal da beiñ yaka daka AAPSU ka wym pyrkhat de yei sñiaw ki tre jylla deiwa e Ticket ya ki wym toh ki tre jylla deiwa ong wa i thong wow booh ya kini ki Election toh neibynta ki tre jylla katwa ya ki Refugee da booh ya ki wow chong chnong ki dei wym toh wow e yei hok iwa ya ryngkat waki tre jylla.
Deiwa kdaw leh yaka Arunachal Pradesh Land Settlement Act, 2000, ka AAPSU da ong ko wa ym em e thaw ya ki wym toh ki tre jylla wow chimbynta ki haki Election synchaar chnong synchaar District namo ki Panchayat.
