Pyndam ka FASTOM yei yakhih hadien wa kular u Conrad wow e da ka tulop wa thymme

U Vice President ka FASTOM, u Sanborn Jungai da khana u wa u Montri Rangbah ka jylla, u Conrad Sangma da kular u wow pynkrehkaam noh da ka rukom su tulop thymme (Basic Pay Scale) ya kiwa sikai Adhoc.

U Sanborn da khana u wa ha ka yachemlang wa u Montri Rangbah, kiwa yahkhmat ka FASTOM da pynyoo ki yei eh wa ki kam kiwa sikai Adhoc da maad ki da ki phaw snem deiwa kdaw leh wa kiwa sikai Adhoc ym im ki lada i su tulop wa yoh ki u neh bait ko kat jooh khlem kiwi de ki laad yoh myntoi.

Da ong u leh wa hakhmat u Montri Rangbah neiliang kiwa yahkhmat ka FASTOM da pynsñiaw ki wa i dawa man bait ko wow pynku kyrdan ya kiwa sikai Adhoc cha ka Deficit.

Tangwa da ong u wa neiliang ka sorkar da pyntip ko wym ye u pynku kyrdan ya kiwa sikai Adhoc cha ka Deficit, tangwa da rai wow pynkrehkaam noh da ka rukom su tulop thymme (Basic Pay Scale) ya ki katkam i man Senior ha ka kaam sikai.

Related posts

Da iwi i sur chim rai ka KHADC wow pyrchah yei pynbna ka sorkar pyrdi wow dam pynman Public Hearing lada emkaam tih Uranium

October 22, 2025

Khyrwait ka Liang Pyrchah ya ka EC yeiwa thaad ko ya ki sahep ka KHADC | Em wa chim kabu yoh jubab

October 22, 2025

U Sanborn da khana u leh wa neiliang ka sorkar da pyntip ko wa kiwa sikai kiwa da e yei chakri 10 snem daw yoh tulop ki da kamwi, kiwa da sikai palat 10 snem u yoh ki da kamwi wei kiwa da sikai 30 snem u yoh ki da ka yong ki hi ka Basic Pay.

Chooh chooh da khana u wa i su ya ka Dearness Allowances (DA) ya kiwa sikai Adhoc u leh chisien chi snem.

Kamtæ kiwa sikai Adhoc hapoh ka chatri Federation of All School Teachers of Meghalaya (FASTOM) ynne ka sngi da chim ki ka rai wow pyndam noh yei yakhih kawa da pynman ha madanbol Malki, Shillong.

Ini i pynbna da wan ko hadien wa u Conrad da khut u wow yaklam wa kiwa yahkhmat ka FASTOM ha ka 1 tarik.