Pyndam ka KHADC yei pynbna ya ka Majai kam ka Raid

Ka Executive Committee yong ka Khasi Hills Autonomous District Council (KHADC), ynne da pyntip ko cha khon ki hajar ka Hima Sohra wa da pyndam noh yei pynbna ya ka Raid Majai kawa da pynmih ha ka 21-06-24.

U M. Bynnud uwa man uwi na ki Convener, da khana u wa neiliang u Deputy CEM, u Pynshngaiñ N Syiem ynne i janmiet da e kti u ya kani ka pynbna wa da pyndam noh yeiwa dadep pynbna.

Katkam i pynbna wa da e kti cha ka Hima Sohra, ka Executive Committee da pynsangeh noh ko chwa yei pynbna Raid ya ka Majai, Sohra Syiemship, hadien wa da yoh ya ka ujor na kiwa boon.

Neiliang u Titosstarwell Chyne uwa man u MDC ka Sohra, da pynsñiaw u yei kmen hajrong i rai yong ka Executive Committee, wei da ong u wa nadooh wa sdang ki khon ki hajar ym sñiawsuk ki wei ym em pdiang ki yei tipmit ya ka Majai kam ka Raid.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025