Pyndam ka Norwegian Air 85% i krehkaam ki lieñsuiñ wa 90% ki wakreh

Ka Norwegian Air daw pyndam ko ya 85% i krehkaam ki lieñsuiñ yong ka wei pyndam kreh leh chipor ya kiwa 7,300 ngut ki wakreh waka neidaw wa poor u khñiang COVID-19 hadooh wa duna kiwa lai luti da ki lieñsuiñ.

Hadien wa u U.S. President u Donald Trump khang u yei psiah ki ri na Europe chapoh ka USA, da ktah bha ko khamtam ya kitu kiwa lai cha chilliang duriaw.

Ka Norwegian Air da pyndam kreh ko chipor ya kamwa 90% ki wakreh yong ka wa kyntup ya ki Pilot, Cabin Crew wa kiwi kiwi.

Ka Norwegian Air da ong ko leh wa lada kamni bait daw hap wow khang kset ya waroh ki lieñsuiñ yong ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Nadooh u snem 2013 ka Norwegian Air da man ko kawa yahkhmat hei wow hær cha chilliang duriaw heidor wa duna wei man ko kawa khlan bha u hær cha New York wa kiwi ki thaw ha US.

Ka Scandinavian Airline SAS leh da pynbna ko wa da hap ko wow pyndam ya kiwa boon ki luti wa hær ko wa ki wakreh ko chipor kiwa em 10,000 ngut lane 90% na ki wakreh.