Hadien wa chah thang boon tylli ki yung ha i step ka 16 tarik ha ki kattu katni ki thaw wa em ha Kamjong District ka jylla Manipur, ki bor District da pynkrehkaam ki daka Section 144 CrPC ha Chassad-Kamjong wa ki bynta u sarok (Main Road) ka thaaiñ Sampui hadooh wa pynmih hukum da kamwi.
Neiliang ka Home Department won da pyndooh ko yaka Internet le sngi kawa sdang nadooh ynnin ka sngi. Wei da leh ya ini yow khanglaad yaki bru wow pynchit chooh chooh ya iwa jia lyngba ki Social Media kamjooh wow pynpoor yaki khubor thok.
I daw wa sdang i chah thang yung ym pu tip tre tangwa kiwa da chah thang yung da yoh ki wow rieh haka Assam Rifle Post.
Da antaad wa hadooh 150 tylli ki yung wa chah thang wei ym tip leh wa lada ini da jia i nei sñiaw yaphær jaitbru iwa da kyntait da u montri rangbah ka Manipur uwa da ong wa ini waroh da leh da ki damok tangwa ym toh deiwa mang ya kiwon kiwon ki jaitbru.
Da suba joor ini waroh toh neidaw wa yaknieh thaw ki ar tylli ki chnong kitæ ka Sampui waka Chassad heiwa ki yung wa chah thang toh yong kiwa naka chnong Chassad.
Discussion about this post