theme-sticky-logo-alt
theme-logo-alt
Advertisement ad1

Pyndam ka Pomlakrai ya ka soskular wow chna Indoor Stadium hapoh ka chnong neibynta ka National Games

Shillong: Ka Dorbar Chnong Pomlakrai Mawbynna kawa haap ha Nongkrem Constituency da pyndam noh ko ya i yakut wa ka sorkar jylla kawa dadep yasoi wow e thaw wa heh 10 acre wow chna ya ka Indoor Stadium.

Heisakhiat ya ini i yakular da yasoi ha u Thohlakhmi (February) 2017 wa ka Dorbar Chnong u e ko i thaw wow chna ya ka Indoor Stadium ha i lut wa kynjoh T.22.7 klur na ka North Eastern Council (NEC) wei ya kani ka kaam, dadep ekti wow chna ha ka company JC Infotech.

Ya u mooyurim wow leh yeini da wai ha u Duyatra 2017 heipor ka sorkar warim.

Hawa yaklam wa u montri ka tnat yalehke ka jylla, u Banteidor Lyngdoh da kubur u yeini wei dadep phah leh ya ka chithi hajrong ini cha ka tnat yong oo.

Ya kani ka thaw da thmu wow chna ya ka Indoor Stadium neibynta wow pynman ya ka yalehke National Games ka wow man ha u 2022 ha kani ka jylla tangwa neini i daw ka sorkar da haap thooh thaw noh ko chawi.

Advertisement ad1
Share this:
Previous

Ka Congress ymye ko wow pynhaap ya kani ka sorkar: Banteidor Lyngdoh

Next

Booh thong ka sorkar MDA wow pyndep noh ya ka Yung Dorbar Chna Aiñ