Ka sorkar Nagaland ynne ka sngi da pynbna ko wow pyndam noh ya ka Hornbill Festival 2021 kawa da toh u man hadooh ka 10 tarik wei kawa da sdang ha ka 1 tarik uni u bnai.
Yeini da leh kam i dak wow yieñlang wa kitu kiwa da chah siat yap ha ki chipai ha ka 4 tarik uni u bnai.
Ka Hornbill Festival man ko leh ka tasmasa wow pynyoo rong ya ka dustur riti ki jaitbru Naga tangwa hadien iwa jia ha ka 4 tarik, kiwa boon na ki jaitbru hapoh ka lama Eastern Nagaland People’s Organisation da khut ki ya kiwa boon wow dam u chimbynta ha kani ka Hornbill Festival.
Ka Konyak Union kawa man leh kiwa boon dooh na ki jaitbru Konyak kiwa chah siat ha ini wa jia da rai ki wow dam u chimbynta ha kani ka tamasa.
Kiwi de kam ki Sangtam, Yimkhiung, Khiamniungan, Phom wa Chang leh da rai ki wow dam noh u chibynta ha kani ka tamasa.
