Shillong: Ka sorkar jylla ynne ka sngi da rai ko wow pyndam noh ya ka soskular Memorandum of Association (MoA) wa ka M/s Jaiprakash Power Ventures Limited hadien wa kani ka Company ym ye ko wow sdang ya i kaam wa 270 Megawatt kawa toh ka Project yong ka Umngot Hydro Electric Project.
U James K Sangma da pyntip u wa ya ini i rai yong ka sorkar wow pyndam noh ya katai ka MoA wa da yasoi nadooh u snem 2007, toh hajrong ka yurim wa katai ka Company ym ye ko wow sdang ya i kaam kattu la 13 snem, heiwa da pyntip leh wa ka sorkar da rai ko wym pynuiñ de ya i su yong katai ka Company kawa man T.135 klur.
