Ha ka kyrwoh wa da phah da ka Ministry of Education ka sorkar pyrdi, da pyntip ko wa ka National Testing Agency (NTA) da pynman ko ya ka UGC-NET June 2024 Examination da ka OMR (Pen & Paper) ha ka 18 tarik uni u bnai ha ki ar bynta ha kiwa boon ki sor wa em hapoh ka ri.
Ynne ka 19 tarik, ka University Grants Commission (UGC) da pyntip cha ka da ka National Cyber Crime Threat Analytics Unit ka Indian Cyber Crime Coordination Centre (I4C) kawa em hapoh ka Ministry of Home Affairs wa da chem wa da em iwa leh bakla leh tooh hawa pynman ya kani ka Exam.
Yow pyntikna wa kani ka Exam man ko kawa khooid, ka Ministry of Education da rai ko wow pyndam ya kani ka UGC-NET June 2024 Examination. Ya ka Exam wa thymme daw pynman ka deiwi wei yei takit yeini wa da jia da e kti ha ka Central Bureau of Investigation (CBI).
NEET(UG) 2024 Examination
Heiyatoh won waka NEET (UG) Examination-2024, da pyntip wa dadep wow pynbait yeiwa e Grace Marks. Wei kiwi won ki chah pynbaad heiyatoh wa iwa pynman ya kani ka Exam ha Patna, da paan ya ka Report wa bniah na ka Economic Offences Unit, Bihar Police wei ka sorkar daw leh ko yeiwa emkaam manda yoh ya kani ka Report.
Ka sorkar da ong ko leh u pyntikna ko wa kani ka Exam u man ko kawa khooid yow yada yei hok ki khynnah wei lada chem wa em kiwon kiwon kiwa emkti wow leh bakla, daw pynchitom ki deiwa khor bha.
Discussion about this post