Wym chimkhia ka sorkar yeiwa ujor, u lai rah cha ka NGT yow yada ya ka Wah Myntdu

Hadien wa ka seiñ ‘Khooid Ya Ka Wah Myntdu’ da pynman biang ko yaka yalang yachem yumut wa ki paidbah ha yungwalieh ka Chilliangraij, Jowai heiyatoh wa i chah ktah ka Wah Myntdu nei pynkai yei jakhlia wa mih na ki yung ki sem, i noh jhep khlem akor, khamtam i pynkai khyndaw dusmon chapoh wah nei pynkreh ya u surok wa dang chna thymme na Treiongriang cha Khliehtyrshi, ynne ka sngi da chim ki yaka rai wow li choh dwar noh cha ka yung bichaar Meghalaya High Court kamjooh cha ka NGT New Delhi deiwa ya mynjur lang ki paidbah wa boon wa chaniah umbaam umdih na kani ka wah, kamjooh leh ki warep ha soodong yong ka.

U K.L.Pariat, President ka seiñ ‘Khooid Ya Ka Wah Myntdu’ hawa klam ong u, i daw wa pynman ya ki u chim ya kani ka rai toh neibhah wa ki bor sorkar wym em chimkhia ki iyi iyi leh hajrong i ood i naam wa da pteiñ ki wow ujor nadooh u snem 2021, heiwa ha kani ka kynti i chah ktah ka Wah Myntdu kamjooh ki pynthor hali kba leh da nang joor palat pood.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

ADVERTISEMENT

Uwi na ki bru waheh, u Rupaia Lamar hawa klam da e khublei u ya u K.L. Pariat uwa da yahkhmat ya kani ka kaam, wei ong u leh neidaw wym em laad de deiwi hajrong i chah yooh beiñ i hok yong ka Myntdu kamjooh i hok u paidbah wym yohsa de ki ha kani ka kynti u mih li paan yarap na ka yung bichaar.

Lyngba kani ka rai yooluti ki leh wa dei yarap wa i e mynsien lang ki paidbah wa boon wa lang, ka Wah Myntdu daw yoh ko ki laad yada khang yow im biang ko kamwa jooh.