Ka Joint Action Committee toh ka satri wa kynthup ya le tylli ki seiñ yong ki tre truck, kiwa yah trok, kitæ toh ka Jaiñtia Hills Truck Owner Association (JHTOA), ka Commercial Truck Owner and Driver Association (CTODA), ka All Cement Clinker Transportation (ACCT) kiwa na Ri-loom Khasi wa Jaiñtia.
Ka Committee ha kini ki khajiak sngi wa dadep da pynbna paidbah ki wow pynman da i yakhih wa khlem booh por nadooh ka 22 tarik dei wow khang luti ya ki truck kit khyndaw-bilat wa clinker wa lai na Lumchnong cha Assam neidaw wa chem chitom saja ki neipor cheipor heiyatoh wa i dor bai kit næ bai kari neibhah wa ki karkhana khyndaw-bilat da su ki katwa ngait hi-eh wot hawa da thoh cha ki.
Kamtæ ynne ka sngi won ka Committee da pynbna ko wada pyndam noh yei thmu pynman yakhih hadien wa u DC ka East Jaiñtia Hills District, u Shivansh Awasthi da khut yachem u wa ki, wei da kular u leh wow chimkhia u pynyachem yaklam pynbait waroh arliang hapyrdi ka seiñ ki karkhana wa ka JAC.
Kamtæ dei yooluti wa ini i kular u DC u man kaam i kamtæ ynne ka sngi da pynbna wa da pyndam noh yei thmu yakhih.
Discussion about this post